Anguaño'l mundiu paez tar contáu por él. ¿Cómo mos desplicamos entós esta situación na sociedá española? Mayoritariamente la xente nun ye consciente del momentu hestóricu que tamos viviendo. La inorancia y aculturización, tan bien entama y desendolcada, dende los gobiernos españoles d'una y otra collor llantaron una semiente bien vidable. D'eses povises apuerten estes llamuergues. Namái foi preciso una lluvia abondosa: la crisis.

Desplíquenme cómo ye posible sinón esta situación. La mano ñegra del poder apuerta a tolos llaos y algámalo too. Les clases que remanaben el poder enantes, dexáronlo too atao y bien atao, pa siguir remanándolo agora. Los intereses políticos y económicos siguen tando mui bien filaos. La prensa yá ye otru poder más. Aquello que xurdió como arma poderosa pa controlar a los poderes y poner en conocencia de toles persones lo qu'asocedía; ye anguaño'l mediu de tresmisión de los intereses del poder, d'adoctramientu.

Diendo de la mano con una educación empobinada a facer súbditos y unes clases dirixente que nun amuesen signu dalu de democracia, dan como frutu la sociedá que tenemos güei.

Periódicos, televisión y radio tán en manes de los mesmos. Si nun ye por ún ye por otru mediu, pero toos arrespuenden a los porgüeyos d'un o otru garrapiellu d'empresarios o grupos empresariales. Ellos dicen qué ye noticia y qué non. Ellos dicen dende qué puntu de vista s'ha entender esa «noticia».

Asina tenemos una bayurosa descalificación contra los gobiernos que nun-yos dan perres como Cuba, Chaves o Evo Morales. La muerte d'un presu en Cuba ye noticia porque ellos lo dicen, y porque puen emplegalo pa malmeter escontra la política d'esos gobiernos y empobinar a la xente a velos como dictadures. Mientres que'l gobiernu d'Uribe qu'arrecostina más de 3.000 sindicalistes muertos nel llombu, ye una democracia.

Dempués tenemos un sistema educativu que-y fai de cómpliz a la prensa y al poder. ¿Queremos xente crítico? Non. ¿Qué queremos? Xente que nun vea más que dos coses, una sociedá que nun sepia más que qué ye lo bono y qué ye lo malo, ye dicir, una sociedá bipolarizada en coses tán cencielles pal ser humanu como bono-malo, amigu-enemigu; y sofitándose nos entamos ideolóxicos de la demagoxa y del populismu. Asina la escuela ye perclara: tu faes-y casu al mayestru/profesor y yes bonu, tu nun-y faes casu yes malu.

Bipolarización en too: na prensa estatal, o El Mundo o El País; na prensa nacional, o La Nueva Engaña o La Voz de Asturias; nos deportes estatales, o yes d'El Madrid o yes del Barça; nos deportes nacionales, o yes d'El Oviedo o del Sporting; na prensa del corazón (telebasoria que-y quitó al fútbol el papel del opiu del pueblu, y que ye'l pan y circu d'esta dómina) o yes de la Belén Estaban o de la Campanario, o d'una moza participante del Gran Hermano o d'un mozu, a poco que se prenda la tv podemos velo a toes hores, tolos díes; na política o del PSOE-IU o del PP y n'aquellos llugares onde hai dalgo d'alternativa con partíos propios (ello ye'l nacionalismu) hai d'acabar con ellos, como se dixo nidiamente nes caberes eleiciones autonómiques vasques.

Asina s'acaba cola pluralidá. Entamamos ñegando, nuevamente, la plurinacionalidá del estáu español; dempués xurden organizaciones polítiques y culturales pa defender la «llibertá llingüística», siempre y cuando se trate de la imposición del castellán, y que tapecen la realidá políglota del estáu y vuelven otra vegada más a la defensa a ultranza de la 'nación española' que se xebra y destrúi por culpa d'unos, que pasen a ser los malos, frente a los bonos que defenden la unidad patria.

Tamos yá adoctrinaos dafechu. No político-económico: los más de los obreros que les pasen canutes pa sobrevivir son los que voten al PSOE o al PP, partíos anguaño burgueses entrambos. ¿Qué ocurre? ¿Qué pasa? Un factor ye la bipolarización. Otru, ye eso que munchos nomamos 'pioyos resucitaos'. Xente que nun momentu dau tien dineru, más de lo normal, y por ello créyese más, superior pencima de lo que taba enantes. Y poro, entra nel xuegu del sistema. Pretende tar y vivir perenriba de les sos posibilidaes económiques reales.

Col dineru perdemos la conciencia de clas, votamos a quien votaría daquién que sí tien esa superioridá económica. Dexamos de llau un discrusu d'esquierdes que creyemos que yá nun va con nós. Una sociedá que nun tien pruyimientu dengún, apoltronada no cómodo, no que mos meten pel focicu dende'l sistema y dende tolos brazos d'esa xibia que ye.

N'Asturies esto ye estensivo a lo de nueso. ¿Cuálo ye lo cómodo? Lo cómodo ye facese español, ser ún más d'esos cuarenta millones de persones que (mal)viven nesti estáu; lo cómodo ye xubise al carru de los cincocientos millones de falantes de castellán; lo cómodo ye afayase nuna hestoria y cultura que sal nos llibros de testu, abellugase nun estáu que te diz qu'eso ye la verdá; lo cómodo ye votar al PP o al PSOE que faen más cómo aínda lo que dixi enantes. Xugando tamién cola bipolarización que mata los guaños pa una sociedá moderna, abierta y solidaria.

Poro, tapecemos que somos asturianos, que falamos una llingua d'unos pocos cientos de miles de persones; que tenemos una cultura que nun sal nenyuri, que nun la esparde naide. Adoctrínase a la xente a dir pelo cómodo. Yo véolo nel sistema educativu: «yo estudio (ello ye memorizo) pal esame llueu escaézolo too», «pa qué voi estudiar dos hores pa un siete, si mirándolo'l día enantes un ratu yá aprubeo»... etc.

Preocupante mocedá tenemos, y entá más preocupante futuru mos espera si somos nós los que vamos tener que puxar pol mundu'l dia de mañana.

Dicíenlo yá pel sieglu XIX 'escuela y graneru', ello ye: educación y economía. Una sociedá que nun pase fame, que puea trabayar por un futuru granible; y una mocedá educada que nun seya manipulable que lluche por unos ideales y que deseldonque un mundiu meyor, que faiga, a la fin, vidable esa sociedá. Una sociedá que da les caberes boquiaes, que ta sufriendo y pa la que munchos pidimos, y esiximos moralmente, eutanasia que nun allongue l'agonía y que-y dea una muerte rápida.

Pero nun podemos escaecer la prensa, tamién son importantes los medios de comunicación. Nun podemos dexalos que sigan como tán. Al igual qu'hai de camudar el sistema educativu y l'económicu; tenemos de camudar la prensa. Pasar a una prensa llibre, crítica y non adoctrinante, que sía plural y acueya a toles postures democrátiques. Sinón qué democracia tendríemos. ¿Vivimos anguaño nuna? Non. Meter un papelín nuna furnia cada cuatro años nun ye democracia. Lo que tenemos ye un sistema parllamentariu. Tamién ye cierto que tenemos lo que nós mos damos. Naide se preocupó d'intentar camudar les coses, ¿o sí?

Obviamente sí, pero foren tachaos de radicales, escluyentes, estremistes. En dalgunos llaos (Asturies, Cataluña, Heukal Herria y Galiza) fueren incluso tachaos de terroristes. Fuere como fuere nunos y otros casos, n'entrambes circunstancies, represión y encarcelamientu foi la xida que tuvo'l poder establecíu pa tapecer eses voces.

Asina tenemos una sociedá qu'en pocu tiempu tornará a la capacidá económica (poder adquisitivu) de los años sesenta, pero ella ta perpreocupada por quién ganará la Champions Leage, o quién sedrá espulsáu esta selmana de la casa del GH; y nun son conscientes de la medría del paru y la xuba de represión, o nun lo quieren ser. Esta ye la sociedá que tenemos y pa camudar dalgo hemos d'emprimar por ella: revolución social pa un cambéu dende abaxo p'arriba.

Pa quitar esti mal sabor de boca y, anque seya per un ratiquín, poder tener la mente tranquila y relaxanos un poco déxovos ún de los monólogos de Gila.

Comments

Comments

Medraron y tuvieren una adolescencia más abegosa. De primeres, morrió muncha xente que les quería y a les qu'elles tamién-yos teníen ciñu. Pasáronlo mal, foi un güelpe fonderu. A esto, hai d'amesta-y qu'aportó xente nuevo a les so vida, los más d'ellos con non mui bones intenciones.

Esa xente intentó tapeceles y torgaron-yos un desenvolvimientu granible. Nun les dexaron dir a escuela, ñegándo-yos una educación y un bon futuru. Dexáronles abandonadaes, na cai, mendigando. Y lo peor nun foi eso, foi qu'hebo xente cola que vivieron tola vida que-yos dio'l llombu.

Aplaudieren cuando les dexaben en ridículu, ñegáronles munches más de trés vegaes y fixeron los posibles por quedar bien énte esos que s'impunxeron nel poder. Ñegándose tamién a sigo mesmos.

Na edá adulta tuvieron que vivir de miagar, gatuñando coles uñes lo poco atropable que topaben pel suelu. Tuvieron a puntu de morrer de fame, fríu y escaezu. Solo l'amor qu'aínda teníen por elles dellos de los vieyos collacios les pudieron salvar de les garres de la muerte.

Anguaño, elles amalicaron y tán na cama. Pansándolo mal. Yá nun tienen cuasi xente que les quiera, pero los pocos qu'entovía caltienen amor por elles quiérenles fonderamente. Na cama remembren unes pallabres que-yos dixo una d'eses persones cuando taba a piques de morrer:

«Na vida hai que ser al empar práuticu y útopicu. Tener unos ideales utópicos y dir diendo haza ellos con aiciones posibles. Si tienes unos ideales fácilmente alcanzables, apoltrones una vegada algamaos. Si los tienes utópicos faente movéte, siguir lluchando por algamalos, ameyorar col pasu del tiempu.»

Eses pallabres resonaben nes sos tiestes. Una y otra vuelta. Víen nes aiciones, que diben a la gueta de salvales, dambos xeitos. Buscaben per tolos llaos mélicos y melecines pa salvales y enxamás perdíen la esperanza. Pero sabíen qu'ensin l'aida de los qu'enantes les ñegaron los que les queríen nun diben poder padaga-yos la melecina que fixere que se punxere bien y pudieren siguir viviendo na so tierra cola so xente.

Aquella melecina cara pero pagable, utópica pero algamable yera la oficialidá y elles yeren les llingües asturianes.

Comments

Gracies a esa gulisma de por qué ellos sí y yo non, topéme con toes eses estayes del saber y quédeme prendáu d'elles. Interésome pola historia y lo social, meto'l focicu na política y voi estudiar filoloxía. Pue dicise que la gulisma foi l'emburrión que, nun teniendo otru, dio-y puxu al interés y les ganes de conocer y adeprender.

Téo-y gulisma a tolos nuesos antepasaos que vivieren nesta tierra como verdaderos paisanos y paisanes: falando n'asturianu; entamando, calteniendo y tresmitiendo la cultura encesa d'esti pueblu milenariu; viviendo acordies col medioambiente; respetando y protexendo valles y montes, ríos y llagos, llombes y llanos; defendiendo con arguyu les caseríes y conceyos que son la cadarma polítoco-social del país.

Pero tamién-y teo gulisma a toes aquelles persones que, mentanto los caberos años de la dictadura franquista y la malnomada transición, tuvieren el cuayu y l'anguante d'entamar un movimientu de reivindicación, revitalización y dignificación de lo propio. Envido'l so arguyu y asturianía, la so fuercia y compromisu pa cola nación que los vio ñacer y espoxigar. Envido l'aguante y l'arranque que tuvieren pa llevantar de la nada'l movimientu más dinámicu y activu de tola sociedá asturiana d'anguaño. La paciencia de llantar la semiente pa que guañare y esporpollare un sentir asturianista nesti país escacíu de lo que ye y foi, y nada concienciáu de lo que podía ser. Carezo de gulisma cuando veo l'amor que teníen polo ayeno, llegando al puntu d'asturializalo pa espardalo ente la xente nueso; asturianizándolo tornándolo a la nuesa llingua, como fixeren colos clásicos de la lliteratura, o dándo-y nueves oportunidaes a la llingua emplegándola pa cualesquier triba de coses: melecina, drechu, alministración, docencia, ganadería, pesca, amor...

Gulismo la fondera conocencia de la llingua y cultura asturianes que foren quien a algamar con tantu esfuerciu y pruyimientu, al empar que naguo por tener tamién l'escomanáu conocimientu que tienen sobro la hestoria y les costumes de nueso. Envidio la convicción y l'arrogancia cola que llucharen estes muyeres y estos homes pa qu'esta tierra siga viva y viviendo como siempres lo fixo. Causame gran murnia ver y presentir qu'enxamás-yos lo agradeceremos lo necesario.

¿Ye malo la gulisma? Cuido que non tanto como mos la pinten.

Comments

Agora, ¿quién somo nós? Yo defínome ideolóxicamente con una fras enforma precisa: «demasiao d'izquierdes pa dir colos nacionalistes, demasiao nacionalista pa dir coles esquierdes». N'Asturies hai, afortunadamente (o non), un movimientu (in)esistente que tamién emplega esta fras pa definise. Esquierda nacionalista, esa ye la nuesa ideoloxía. Digo inesistente ente peréntesis porque nun ye que nun esista, pero tampoco ye que tea una cadarma afitada, un discursu seriu como alternativa al réxime vixente o un sofitu social de pesu. Entá ta formándose too.

Apocayá abrióse un conceyu abiertu o alderique internu dientro'l movimientu cola fin d'afalar una posible xunción de les fuercies polítiques. Dempués d'un tiempu, la conclusión foi sobradamente que l'aunión ye necesaria. Al poco, abrióse a les demás organizaciones del ámbitu asturianista, o lo que lo mesmo a la UAS. Con esto vuelven xurdir les rocees y engarradielles; dao que, de manera xeneral, les qu'habíen ente partidarios d'UNA y los d'AA yá taben zarraes so la idea d'una xuntanza de dambes fuercies. ¿Cómo vamos apautar con ellos? Nun son nacionalistes. Son la drecha, un enemigu más. ¿Qué fixeron por Asturies? Esto ye lo qu'aneciaben dellos. Lo cierto ye que se definen a sigo mesmos como nacionalistes/asturianistes. Da la casualidá que'l PAS ye la única fuercia del ámbitu que tuvo presencia na Xunta Xeneral – con una xuntanza por cierto –, la única qu'algamó daqué pa la llingua cola Llei d'Usu y que, dende que salió del nuesu parllamentu, les polítiques culturales foren a cada cuala más gafienta pal país. Sedría poco, sedría insuficiente; pero, ye lo poco que s'algamó como movimientu político-social de calter nacionalista asturianu.

Seyamos serios y sinceros. ¿Qué queremos? ¿Daveres pensamos en desenrollar otru Ochobre'l 34, daveres mos vamos a llevantar n'armes nuna revolución social emancipadora de la clas trabayora asturiana? ¿Vamos a sigui-y el xuegu a la izquierda española y facer del nuesu país la esencia de la «izquierda internacionalista», ello ye izquierda provinciana que nun valora nin defende les carauterístiques d'esti milenariu pueblu? Dexemos de suañar con daqué asina. Nin xuntándomos toles fuercies asturianistes d'izquierdes (AA-BpA-UNA) ye seguro que s'entre nel parllamentu. Y inda entrando, ¿cuántos conceyales s'algamaríen? Unu. a lo más igual dos si s'algamen los votos necesarios nel centru. Con esta realidá, lo cierto ye que si queremos facer dalgo ello ye condicionar gobiernos que nun ostentaremos o forciar lleis y cambeos xurídicos p'ameyorar la situación de la nuesa identidá coleutiva. Nin firmaremos la independencia, nin fadremos una revolución socialista. Nun me malinterpreten, falo siempres esprésamente d'estes eleiciones nacionales y a los conceyos, enxamás dexaré d'internar algamar una sociedá igualitaria, xusta y democrática (ello ye un estáu socialista); pero, una revolución ye un cambéu dafechu y rápidu y que, la política desenrollada dende la esquierda nacionalista seya llegar a consiguir esi estáu socialista, nun ye una revolución dao que s'algamaría denden un procesu llargu y abegosu. Amás, que tamos falando del momentu presente, d'estes pósimes eleiciones y el desenrollar una revolución n'sctricto sensu ye daqué, cenciellamente, imposible.

Volviendo al tema que se trata, sinceramente, puestos a pautar, prefiero facelo con fuercies que defendan lo mesmo que yo. Si tamos dispuestos a roblar la oficialidá col PP, o la declaración de nacionalidá hestórica col PSOE; siendo dambes fuercies el cáncanu que torga l'espoxigue d'una conciencia nacional asturiana, ¿por qué nun vamos facelo colos que tamién lluchen por ello?

Per separtao, nin UAS, nin AA, nin UNA, nin BpA algamará un vierbu. Con xuntances rares pa fadiar a otros del movimientu, como la d'AA-PAS, nun s'algamará un vierbu. Con maximalismos y rocees fates nun s'algamrá un vierbu. Nun hemos dexar, tampoco, de llau a otros seutores asturianos que puen, fácilmente, asumir un discursu asturianista como'l seutor más asturianu d'IU con Valledor a la cabeza, los que puxaron cola fallida Iniciativa Internacionalista (II), el Partíu Carlista o'l partíu Los Verdes – qu'anque fuercia namái ecoloxista, aportaría bien de votos que se-y quitaríen a IU; ún de los mayores cáncanos pal nuesu espoxigue.

Con un Xuntanza Real del ámbitu asturianu y asturianista/nacionalista sí consiguiremos daqué. Con una xuntanza de los partíos de la esquierda nacionalista (UNA, BpA y AA); en xunto cola UAS, el seutor valledorista d'IU, la xente d'II, el Partíu Carlista y Los Verdes nun 'Frente Asturianu' sí consiguiremos daqué. A lo primero, dibemos dar un pasu alantre na visibilización del movimientu, amosándolu a la sociedá al ser más manes tirando pol mesmu carru. Segundamente, al dir xuntos podríemos diseñar un discursu más ampliu socialmente qu'arrespuenda más a la realidá político-social del país y centráu na defensa de los rasgos identitarios nacionales asturianos. Un discursu qu'ilusionare a la xente, cansada d'esti bipartidismu gafu y sangrín, causante de la crisis que carecemos dende desayá. Y a lo cabero, al dir xuntos, daríemos al electoráu un discursu, per primer vegada, seriu.

Seriu, porque les milenta xebres, y les tropemil engarradielles internes nun fixeron otro qu'emporcar la imaxe del nacionalismu asturianu. Ye custión de resposabilidá y seriedá. Faigamos la xunión y entamemos y desendolquemos una fuercia política plural y con verdaderes posibilidaes de facer política p'ameyorar Asturies. Los partidistes que vean cimblar el so tronu y nun quieran arrenunciar al guetu de poder, tendrán que ser apartaos y escaecíos pol bien de toos. Por xacíu y, sobro too, pola MADUREZ POLÍTICA que paez que nun hebo nunca nesti país. Si nun se quieren xubir al carru por rocees personalistes nun hai más que cavilar, la solución ye l'escaezu, sinón pasaríen a ser otru pilancu.

Porque, tando como tamos y de siguir asina, tenemos lo mesmo que perder, de nun facer la xuntanxa; que ganar al xuntamos: una llingua, una cultura, una identidá, un país. Nun paga la pena tar otros trenta años más a la tema ente nós pa nun algamar un ren. Por ello, afirmo, con tola convicción del mundu, que non solo sedría bono pautar, sinón que ye pernecesario una xunión de tolos partíos asturianos; p'aportae al nuesu parllamentu y remocicar la nuesa llei cimera, l'estautu, p'algamar les reconocencies qu'amerita'l nuesu pueblu (oficialidá, nacionalidá, enanchamientu dafechu de l'autonomía). Porque los trapos puercos llávense en casa, y les coses d'Asturies ente los asturianos.

Comments

Tando pel branu en casa d'una de les mios güeles, tábemos charrando la ma mio, la mio güela y yo. Ella taba cuntándomos dalgún qu'otru casu de diglosia de dalgún vecín: cuando diben al mélicu, un casu d'un paisanu que cuasi llega a les manes col abogáu por tracamundiar el significáu de “deber” y “tener” (da qu'en castellán ye uno n'asturianu otro)... etc. Yo recalqué que l'asuntu taba na falta de conocencia y consciencia propio de falar una llingua, la nuesa, l'asturiana. La mio ma cuntó dalgún casu de cuando yera estudiante universitaria y fuere pa Uviéu y al poco dixo: «pero tu mama, yá tas mui acastellanizá, enantes hablabes munchu más en bable y güela tavía más que tu».

Yo quedé un poco fuera sitiu, reconocía les pallabres de la lliteratura de Fernán Conoras, Nené Losada Rico o de los vieyos discursos de xente de Conceyu Bable na fala de la mio güela. ¿Cómo yera eso que la mio mamina taba “acastellanizá”? «Nun creyas, entavía falaba más la mio güela que los mios pas.» Respondió, y la rempuesta de la mio güela dexóme perdafechu ablucáu. Nun podía ser verdá, cómo foi que medré n'asturianu ente les sayes de les mio güeles y agora descubro qu'una yá nun ye'l símbolu d'asturianía que tenía pensao que yera, que taba castellanizada. Nun yera quien pa con ello. Y sobro too, ¿cómo yera posible que de trés xeneraciones que tábemos charrando caún pescudaba que la so güela yera'l mayor símbolu d'asturianidá?

Y ye que gran enfotu tenemos toos nes nueses güeles no que cinca a la indentidá asturiana. Cuando falamos de la nuesa llingua, siempres remembramos los cuentos y cantares de güela. Tenémoslos na memoria, y con señardá, mos alcordamos d'ellos col mesmu ciñu que tendríemos si faláremos d'elles mesmes. Lo mesmo da que seyamos mozos adolescentes que paisanos yá güelos, la figura matriarcal, entrañable y espardedora d'asturianía de la güela llántase na nuesa tiesta de xeitu inamovible.

Dende lloñe na sociedá asturiana, ente otres munches, asitiárase la idea de que la muyer yera'l pegollu cimeru de la cultura llariega, y la responsable de la so tresmisión. Ta mui de moda, agora, que los güelos y güeles curien de los guaḥes de los sos fíos, ellos trabayen y el tiempu pa tar colos ñácaros nun ye'l suficiente como pa crialu. Nun sé n'otros llaos, pero n'Asturies eso ye yá pervieyo. Quien más y quien menos siempres hebo aída de los mayores na cría de la reciella guaḥes de la familia. Dende les añaes nel trubiecu, al tirón d'oreyes al dir a cortexar, la figura de la güela esbarbase de tradición.

Hai dos o trés años, cuando fixeron miembrU de númberu de l'ALlA a Berta Piñán, nel discursu que dio, cuntó qu'ella nun entrare na llingua de nueso como ye vezu, colos cuentos de güela, sinón qu'entró cola lliteratura non tradicional, la de los escritores. Nun sé qué la llevó a faer una confesión tala, pero, con tolos respetos y tola firmeza del mundu, pueo asegura-y que, como mui bien diz la nuesa llingua, “como en casa de güela, en nengún llau”.

Y nun ye yá que nós, los más mozos, que tamos enforma castellanizaos, idealizáremos a les nueses güeles asturfalantes, tradicionales y rurales como imaxe cimera d'asturianidá. Como yá dixi más enriba, los más vieyos tamién falen con señardá de les sos güeles. Sedrá pola tradición matriarcal del nuesu pueblu, sedrá por vezu de falar siempres d'elles o seya polo que sía. La figura de la nuesa güela ye daqué invaltable na nuesa memoria y el cariñu que-y tenemos a ella tresllantámoslu a la tierra, a les tradiciones, a la llingua y al pueblu que mos les dio, al qu'elles mos fixeron pertenecer y amar: ASTURIES. Esta milenaria nación nun-y dará enxamás la reconocencia que merecen a estes muyeres, que, anónimamente, la crearon, la caltuvieren y la tresmitien día a día a les xeneraciones vinientes.

Comments

Nes caberes selmanes dende dellos medios de comunicación y la llibrería Trabe vienen dando anuncia de lo bona que ye la nuesa lliteratura anguaño y lo bonos que son los nuesos lliteraros. Mentantu rexurde'l consumismu del Nadal, afalen regalar llibros n'asturianu, y pa convencemos faen entrevistes a dalguna qu'otra escritora y asoleyen cartafueyos colo fecho a lo llargo del añu. Toos amuesen la mesma idea, tenemos una lliteratura bayurosa, calidable y viviendo un espoxigue non vistu na nuesa hestoria.

¿Daquién lo dulda? ¿Cuántes llingües europees (y si m'apuráis del mundiu) puen dicir que cuasi'l so cincuenta por ciertu de falantes son a la par escritores y llectores d'esos escritos? Porque, seyamos sinceros, ¿pa quién va la lliteratura?, ¿quién consume los llibros?, ¿quién la escribe? La lliteratura asturiana d'anguaño ye dafechu'l pexe que se muerde la cola. Los escritores, escriben y lleen. Pocos llectores hai na nuesa llingua, que nun sía a la vez tamién escritores.

Per un llau, ye daqué normal. La llingua muerre. Pasu ente pasu quedamos menos falantes, más o menos mozos, más o menos vieyos; pero ye una realidá, los retueyos que tán güei nel hospital xorrecerán en castellán, con una escolarización na llingua l'imperiu y con tolos estímulos llingüísticos n'español.  L'asturianu apigaza, y seliquino va diendo, cola tiesta gacha, a la que sedrá la so tumba. Poro, ye daqué comprensible que la xente que s'avere a ello seya xente con dalgo de pruyimientu llingüísiticu (ente'l que s'alcuentra'l gustu pola lliteratura) y darréu d'ello salen, non solo llectores, sinón tamién escritores.

Per otru llau, n'Asturies hai un sentir de ciñu a la llingua, y una fondísima aculturización de la sociedá, que desplica que los pocos que se planteguen lleer daqué, lo faigan mayoritariamente na llingua'l país. La llectura fai españar la mente, y dase cuenta de lo que t'arrodia. N'Asturies fai, qu'al abrir los güeyos, atopes una tierra escuro con una cultura dando boquiaes. Eso desplica qu'a los qu'ente los nuesos pruyimientos tán Asturies, la nuesa llingua y cultura, escribamos (poesía, novela, cuentos, teatru... etc.) al empar que lleemos.

Convivimos güei nesti país delles xeneraciones d'escritores y llectores n'asturianu. Y dende los más vieyos a los más mozos, hai un llercia común nes nueses coraes. Una llercia a la que-y damos el llombu munches vegaes por nun ser quién a planta-y cara. Y ye que mos da gran medrana que l'esfuerciu escomanáu que se desendolcare nestos caberos tiempos nun sirva de nada, y la lliteratura nun se llea enxamás. O lo que ye lo mesmo, qu'esti pervieyu idioma desapaeza.

Esperemos que non, qu'apuerte la oficialidá y que se caltenga esti ritmu de producción lliterario munchos años y qu'espoxigue enforma'l númberu de llectores, y poro, tamién el de falantes de la llingua asturiana. Pero pa ello, nun son (somos) tan necerasios los escritores como los falantes, porque hai más que facer que llibros pa la sobrevivencia de la nuesa llingua. Yo... siguiré lleendo y escribiendo n'asturianu, y procuraré siguir falando la llingua de los míos; con tola esperanza puesta en qu'enxamás muerra (a lo menos, mentes yo viva).

Comments

1.- Los drechos d’autor nun puen allugase penrriba de los drechos fundamentales de los ciudadanos, como’l drechu a la privacidá, a la seguridá, a la presunción d’inocencia, a la tutela xudicial efeutiva y a la llibertá d’espresión.

2.- La suspensión de drechos fundamentales ye y tien que siguir siendo competencia dafechu del poder xudicial. Nin un pieslle ensin sentencia. Esti anteproyeutu, a la escontra de lo afitao nel artículu 20.5 de la Constitución, dexa nes manes d’un muérganu non xudicial -un organismu dependiente del Ministeriu de Cultura-, la potestá de torgar a los ciudadanos españoles l’accesu a cualaquier páxina web.

3.- La nueva llexislación fadrá xurdir inseguridá xurídica en tol sector tecnolóxicu español, perxudicando ún de los pocos campos de desendolcu y futuru de la nuesa economía, atapeciendo la criación d’empreses, inxertando torgues a la llibre competencia y ralentizando la so proyeición internacional.

4.- La nueva llexislación propuesta amenaza a los nuevos criadores y atapez la criación cultural. Con Internet y los sucesivos avances tecnolóxicos democratizose dafechu la criación y emisión de conteníos de toa mena, que ya nun provienen prevalentemente de les industries culturales tradicionales, sinon de bayura de fontes distintes.

5.- Los autores, como tolos trabayadores, tienen drechu a vivir del so trabayu con nueves idegues creatives, modelos de negociu y actividaes asociaes a les sos criaciones. Intentar caltener con cambeos llexislativos a una industria obsoleta que nun ye a adaptase a esta nueva arrodiada nun ye nin xusto nin realista. Si’l so modelu de negociu se basaba nel control de les copies de les obres y n’Internet nun ye posible ensin vulnerar drechos fundamentales, deberíen guetar otru modelu.

6.- Consideramos que les industries culturales necesiten pa sobrevivir alternatives modernes, eficaces, creyíbles y asequibles y ayafadices pa los nuevos usos sociales, en llugar de limitaciones tan desproporcionaes como ineficaces pa la fin que dicen perseguir.

7.- Internet tien que furrular de forma llibre y ensin interferencies polítiques alitaes por seutores que van a la gueta de perpetuar obsoletos modelos de negociu ya imposibilitar que’l saber humanu siga siendo llibre.

8.- Desiximos que’l Gobiernu garantice por Llei la neutralidá de la Rede n’España, ante cualaquier presión que puea producise, como marcu pal desendolcu d’una economía sostenible y realista de cara al futuru.

9.- Proponemos una verdadera reforma del drechu de propiedá intelectual empobinada al so fin: tornar a la sociedá’l conocimientu, promover el dominiu públicu y llimitar los abusos de les entidaes xestores.

10.- Na democracia les lleis y les sos modificaciones han aprobase tres del oportunu alderique públicu y consultando enantes a toles partes implicaes. Ye inaceptable que se faigan cambios llexislativos que cinquen a drechos fundamentales nuna llei non orgánica y que trata d’otra estaya.

Comments

Apúrrovos el manifiestu fechu y lleíu por min nel mio institutu pol motivu del festexu del Día Internacional del Desaniciu de la Violencia Escontra la Muyer. Ye'l primer testu na llingua de nueso que se llee nesti centru, y un claru pasu más na normalización del so emplegu na institución educativa.

DÍA INTERNACIONAL DEL DESANICIU DE LA VIOLENCIA ESCONTRA LA MUYER

Güei, 27 Payares, celebramos equí'l Día Internacional del Desaniciu de la Violencia Escontra la Muyer, un día de festexu por tolos pasos daos p'alantre nel caleyar haza la igualdá de los sexos, pero al empar, ye tamién un día de vindicación y llucha por tolo que mos queda por facer y por tolos llogros que mos queden por algamar.

Quixere dar les gracies a toles persones que fixeren posible que nesti actu oficial del nuesu institutu se puea tar lleendo un testu na llingua'l país, un claru pasu más de normalización. Pero güei nun ye un día pa esta xusta reivindicación, eso facémoslo los asturfalantes tolos díes; güei ye día d'una reivindicación entá más importante, la igualdá ente les persones.

A lo llongo de la hestoria, per aciu de la Ilesia y la relixón, impunxérense los valores d'una sociedá patriarcal, incluso en llugares de tradición matriarcal, con una cadarma social enforma más igualitaria, como l'asturiana. Asina, foron esborriaos los nomes de muyeres perimportantes nes destremaes dómines hestóriques, arrequexaes nuna figura combayona a la figura del patriarca.

Dende Safo de Lesbos y Hipatía fasta Rosa Luxemburg, Dolores Ibarruri o Simone de Beauvoir hebo milenta muyeres que condicionaren pa bien el presente que nós vivimos. Rosalía de Castro, Marian Pineda, Nerfertiti, Florence Nightingale, Princesa Fizee, Frida Khallo, Indina Gandhi o Anglea Davis son una riestra de nomes de munches d'elles, murniamente desconocíes por cuasi toos de nós. Reines, escritores, filósofes, matemátiques... etc. Figures femenines que nun mos son tolo familiares que debieren.

Aínda aguaño tenemos esta situación nel nuesu mundiu. Nin Estaos, nin políticos defenden daveres la igualdá ente homes y muyeres. Eso nun ye dicir “los y les” nos discursos, o nos documentos oficiales. Defender los drechos de les muyeres ve mirar el porqué elles cobren menos nos sos tayos pol desencolcu del mesmu trabayu. Ye mirar por qué se sigue arrequexando socialmente a la muyer. O por qué, con gran murnia na coral, tenemos que facer una llista tolos años cola riesta de nomes de muyeres asesinaes polos sos maríos.

Pa esborrar esta llaceria sociocultural que carecemos entovía, hai de mirar pa les razones qu'aiden qu'anguaño teamos esta gafa situación ente nós. Tenemos de presta-y atención a lo que desplica por qué esos homes son quien a matar a la so muyer pol aquel de creyer que ye suya, y que puen facer con ella lo que-yos pete. Tenemos qu'educar na igualdá a la mocedá, y dir camudando vezos y zunes sociales tan enraigonaes como llacerioses.

Los gobiernos tienen qu'afondar nes causes que despliquen esto, y tentar camudalo. Dexar de tratalo como daqué aneudóticu o esporádico; y velo como lo que ye, un problema social de fondu. VIOLENCIA, pura y dura; con toles lletres y con tola carga ñegativa que trai arreyao darréu.

Les lleis en defensa de la igualdá sexual tán bien, la discriminación positiva ye abondo necesaria pa saldar esa situación marxinal na que se-yos obligó a tar a toles muyeres; pero, nun ye lo único. El papel ye forníu, y puxa por tolo que se-y eche; pero les pallabres han camudase a aiciones o nun se camudará un vierbu. L'emplegu d'entrambos sexos (el/la, los/les) nos discursos o nos documentos nun quier dicir nada. Los mesmos que lo empleguen glayando pola igualdá, son los mesmos que llueu repiten cadarmes patriarcales.

Primero critiquen les aiciones d'unos, y llueu afalaguen les aiciones que van a la contra de la llibertá d'aición de la muyer. El drechu a dedicir sobro'l so cuerpu, si quier tener un fíu o albortar, ye daqué que-yos fraya tantu los esquemes de la so realidá que nun son quien nin a siguir mintiendo. Caise-yos la mázcara en cuantes s'albidra la idega de poder decidir y escapar al so control patriarcal.

Anguaño ye pernecesario camudar los esquemes de lo masculino y lo femenino. Tenemos de tresformar lo qu'hai y d'intentar facer y ufiertar una sociedá más xusta, igualitaria y que desanicie perdafechu la violencia en toles sos formes. Una sociedá llibre, na qu'homes y muyeres vivan llibres, n'igualdá de condiciones, colos mesmos drechos y les mesmes obligaciones; una sociedá sofitao nos pilpayos del respetu, la convivenvia y la tolerancia ente toos.

Comments

N'Aragón les dos fuercies d'esquierdes de calter nacionalista o independentista de mocedá falen d'una xuntanza ente ellos, non solo p'aunar les sos fuercies sinón tamién pa facer un frente común de llucha pa tolos mozos y moces aragoneses tanto los que yá militen en dalguna de les dos organizaciones como tolos que nun militen entá en denguna. Too esto fixéronlo saber con un comunicáu qu'apúrrovos darréu:

"La izquierda independentista aragonesa se encuentra en un momento crucial de su historia. Los diferentes debates y procesos que se vienen llevando de un tiempo a esta parte, y que hoy están en su momento más intenso, nos da una idea de la importante labor que tiene que desempeñar la juventud aragonesa en la organización de la izquierda independentista

Desde Chobenalla y Astral, organizaciones juveniles hermanas, queremos lanzar no solamente el proceso de unión de nuestras organizaciones en un frente común de lucha, sino también abrir este proceso a todos los jóvenes interesados en la constitución de una organización, coordinadora, asamblea…movimiento aún por definir, que integre a todos los jóvenes que actualmente no militan en ninguna de nuestras organizaciones, para así crear una organización amplia, fuerte, de todos los jóvenes independentistas aragoneses, que surja desde abajo, mediante la participación en asambleas abiertas, democráticas, para mediante el debate poder fortalecernos como jóvenes revolucionarios independentistas, para poder organizarnos en un línea común capaz de extender la lucha que haga frente a los ataques que nuestro pueblo y nuestra clase está sufriendo. Ataques que tienen que ser contestados con contundencia por una juventud revolucionaria y consciente que sea capaz de crear las condiciones subjetivas que nos ayuden a caminar día a día hacia la revolución social y la libertad de nuestro pueblo."

Sofitándose nuna cadarma democrática participativa y dafechu asamblearia pretenden reorganizase pa garrar fuerza, esparder el so discursu y crear un frente únicu de llucha. La situación aragonesa ye la que más s'asemeya a la de nueso. Con una llingua arrequexada y amenorgada dafechu ensin la oficialidá, gobernada pola "izquierda plural" del PSOE-IU, con una pérdiga de población mozo bultable... etc. Ellí AXÚNTENSE pa crear un discursu aragonés, qu'arrespuenda a los intereses d'Aragón y de los aragoneses, que sía alternativu al réxime esistente anguaño y sobro too que seya creyible y asumible (cola so desplicación enantes, d'ehí los alderiques internos y demás) pa la sociedá de so.

N'Asturies aínda queda munchu tiempu pa daqué asina. O igual nel ERA se pue facer dalgo yá. Quién sabe, pero si ellos siguieron esi camín, y equí llévase tiempu enforma cavilándose siguir esa sienda de xuntanza, participación, alderique internu y conceyu abiertu; ¿por qué nun siguir el so exemplu?

Igual se pue fraguar una xuntanza de la mocedá asturiano nun frente común sofitándose na esquierda, na oficialidá, na independencia... etc., y que faiga perpensase a les fuercies polítiques asturianes que la situación precisa un cambéu fonderu y l'articulación de daqué nuevo, conxunto y asturiano.

O igual ye meyor siguir como tamos, ensin representación real nel nuesu parllamentu, tirándomos los trastos a la cabeza unos y otros andando a la tema tol día y engarriándomos por maximalismos fatos que realmente nun mos apuerten a dengún llau.

Ye custión de colgar na balanza pros y contres, qué tenemos y qué podríemos tener, ú tamos yaú podríemos llegar; y dempués actuar en cosecuencia. Caún sabrá lo que tien y lo que quier.

Comments

Peró, tamén é incustionable que nun podemos deixar pa prao ou marxinar ás personas eonaviegas, y por eso teñen reconocío dende hai muito tempo nel movemento de reivindicación llingüística qu’ellos tein dreto a oficialidá da súa fala nel súo territorio, al igual que el asturianu nel resto d’Asturies, porque a súa llingua llariega é, el qu’ellos chaman, A Fala. 

Acórdome que nel último concerto pola oficialidá, Ambás cantare un cancio d’Ibias. Enantes de cantalo, entrugóu á xente qu’aillí tabamos cóntos sabíamos eonaviego. Llevantaron a mao poucos, muitos poucos apenas us vente. Él recordóunos a todos, qu’anque minoría, tamén son parte da nosa terra, da nosa Asturies; y qu'el miyor que fíamos era aprender a outra llingua llariega d’Asturies. Porque como dixo Ambás, “esta terra é terra de minorías”. Y é muito murnio que se-yes marxine condo son parte importante del noso poblo y á vez tamos sendo todos marxinaos. 

Seguindo cúa frase d’Ambás, “esta terra é terra de minorías”, é ben certo que nun podemos ñegar eso. Una minoría é, ou foi, mariñana; outra campesina; outra vaqueira, ya outra das villas. Maneras de ser diferentes, xeitos de fer ás cousas estremaos; peró todos asturianos. Marxinar a naide é marxinar a todos. El arrequeixar á xente nun pode ser dalgo da nosa vida, somos úa nación de minorías, que xuntas femos a mayoría. Minorías de preferencias sexuales, minorías relixosas, llingüísticas, étnicas… etc. ¿Cóndo foi eso torga? Quer que lo sía agora é fato abondo.

Fágamos como sempre. Sías nacío n’Asturies, ou veñas de fora y que sintas asturiano; sías asturfalante, neofalante o non asturfalante; sías de campo o da mar; sías negro ou branco; mozo ou veyo; home ou muyer; axuntemos a todos na lluita por os dretos de noso, e del noso poblo: ASTURIES.

Comments

Estupenda carta. Estoy muy de acuerdo con lo que en ella se explica. El nuevo partido que pretende crear el señor Valledor, según sus propias palabras, ha de ser "izquierdas, asturianista, ecosocialista, republicana, europeista, altermundista y feminista".

Asturianista, lo ha de ser luchando por nuestra lengua y un mayor autogobierno. El resto de "palabros" utilizados son dar más y más vueltas al mismo término. La Izquierda. Una fuerza política que margine a las mujeres, ¿puede realmente llamarse izquierda?; la que no defienda el desarrollo sostenible y la protección del medio ambiente; la que no reniegue de una institución arcaica, fascista y represora como es la monarquía; la que no defienda los derechos de los trabajadores y una sociedad más justa e igualitaria; y, la que no quiera para los demás pueblos del planeta la misma igualdad, justicia y libertad que para el propio, ¿puede realmente llamarse de izquierdas? Pues, creo que bastante claro está, que no.

Por lo tanto, quitanto el asturianismo, el resto son las marcas propias que tendría que llevar cualquier énte político que sea o que se precie de llamarse de izquierdas. Por otro lado, son rasgos que la mayoría de los desilusionados de la sociedad asturiana defienden, y votarían en las urnas, con total convicción. La defensa de la lengua, la cultura, la historia y la identidad del Pueblo Asturiano, son también rasgos de todo ese tejido político-social asturiano harto de la FSA-PP y que se posiciona clara y abiertamiente a la izquierda de éstos. Y eso es, que (hablando en términos electoralistas) muchos de los votos de los desilusionados y de la sociedad asturiana irían para una fuerza (sea partido, sea coalición de varios de ellos) con todas esas características en su ideario.

PERO, y esto es a mi entender muy importante, señor Valledor no puede pretender que todos los sectores nacionalistas, asturianistas moderados-progresistas, ecologístas... etc. acudamos a él como el "libertador del Pueblo Asturiano". Usted a hecho esta propuesta, y el primer paso le corresponde darlo a usted mismo. Ha de proponer un Conceyu Abiertu con todas las fuerzas políticas y sociales que podrían concurrir en una misma lista electoral bajo el mismo nombre. Partídos políticos, desde Bloque por Asturies, UNA, Andecha Astur, PAS o Los Verdes, pasando por sectores asturianistas como el de usted mismo de IU o incluso los sectores más a la izquierda y más asturianistas del PSOE; han de hacer todo lo posible por unirse para conformar esa alternativa real, asturianista de izquierdas e ilusionante a este Régimen Arecista que lleva años hundiendo en el más oscuro fango a este País.

El primer paso, repito y recalco la importancia de esto, lo ha de dar Vd. mismo; después, el resto debemos hacer todo lo posible por que sea bien contestado ese llamamiento y que este proyecto de esperanza y futuro llegue a buen puerto.

En resumen, sólo una fuerza realmente de izquierdas y asturianista puede crear una alternativa a la FSA-PP. Y esta hipotética fuerza que aún no ha visto la luz, a mi simple modo de ver, tendría muy buena acogida en este desesperado País. Pero sólo si es capaz de aglutinar a todos esos sectores que, en conjunto, representan a esta gran minoría que somos los asturianos y asturianas críticos con la situación actual y desilusionados con el sistema vigente.

Comments

-          Alianza PP-PSOE n’Euskadi, pucherazu nes eleiciones, nueves polítiques llinsgüístiques (arrequexamientu).

-          Valtu de la oficialidá de la llingua asturiana nel nuevu Estatutu d’Autonomía.

-          Valtu de la oficialidá del aragonés y el català n’Aragón.

-          Apuerta’l PP a la Xunta Da Galiza, persecución del galego.

-          Criminalización y persecución de la Ezkerra Abertzale.

-          Mínima y feble reconocencia de la llingua’l país tres el cordal.

-          Criminalización y campaña ultranacionalista española contra les consultes independentistes en Catalunya.

-          Movilización de les “Falanges” en pro de la “unidad de la patria” como rempuesta a les aiciones n’Euskadi y Catalunya de caráuter nacionalista.

-          Ocultamientu de les aiciones del sindicatu de calter andalucista en defensa de los puestos de trabayu y llucha social.

Podríemos siguir enumberando una llista muncho más llonga qu’esta, pos les aiciones españolistes nun se llenden a estes y tienden a repitise y caltenese nel tiempu. Como se pue ver, estos fechos, amuesen un reblagu nel poder haza’l nacionalismu español más ranciu y escluyente.  Poco a poco van atacando a los drechos de les naciones que componen esti gafu estáu. Emprimen coles aiciones contra la “imposición” de les llingües llariegues y nacionales, y en “defensa” de la Llingua Imperial. Sofitándose n’imposiciones inesitentes, engañen a la xente y valiéndose de mieos fatos arrástrenla a la so llamuerga del xuegu. Llueu pasen a xeneralizar y criminalizar toles idees qu’atenten escontra’l so gran imperiu colonial, persiguen y ataquen a tolos qu’atalantamos entremaos, a tolos que cuestionamos el so sistema y la so verdá, a tolos que mos paramos a pensar qu’otra sociaedá ye, amás de posible, necesario. Pasu ente pasu esi discursu imperialista y fascista va caltriando pente sociedá. Prensa, radio y televisión trabayen venticuatro hores pal Imperiu, los “grandes” partíos políticos (PP-PSOE) difunden día a día’l discursu de la illegalidá de les nueces aiciones, l’exércitu policial como mano executora del persiguimientu y les detenciones.

Toa esta riestra d’asocedíos a la deseperada cuido que nun son más qu’una amuesa de la debilidá del so estáu, de la impotencia que sienten. La casual creación de recién d’un partíu que se sofita na nacionalidá española, nos valores d’España como: una, non camudable, monollingüe... etc.; como alternativa a les polítiques pro-separatistes "qu’afalaguen" el PP y el PSOE nun pue ser dalgo que mos pase desapercibío. Esta nueva bisagra ultra-españolista qu’arremete contra una y otra llingua, que defende la supuesta aunidá nacional del estáu, que quier que se desanicien les Comunidaes Autónomes pol supuestu frañimientu anti-ñatura d’España que traen arreyao; nun ye otro qu’un intentu de llanciar pilancos al desenvolvimientu de los movimientos nacionalistes, de volver tol poder a Madrid, d’albortar unes futures (y cada día menos llonxanes) lliberaciones nacionales.

Too esto faime pensar dalgo, y ye que nun lo tenemos que tar faciendo tan mal. Que nun debemos tar tan lloñe de la nuesa fin, que tienen más llercia enriba de la que la so faltona y bocayona boca podrá almitir enxamás. Esta situación, de llaceria, sapozamientu y represión, nun ye daqué que mos tea qu’echar p’atrás. Son aiciones desesperaes, como l'animal que se xebra una pata abocaos pa escapar d'una amarraza. Ye, polo tanto, un aliendu a la esperanza, un soplu d’aire frescu que mos amuesa que vamos per bon camín. Qu’anque tarde, la llibertá aportará. Poro, convídovos a toos a siguir bregando, a que la griesca nun caiga, a que mano a mano caltengamos la secha abierta y el llongu camín andáu ensin dir p’atrás. Porque xuntos podremos construyir un País llibre, una Asturies arguyosa de sigo mesma, un Pueblu solidariu y una Sociedá moderno, crítico y que-y pruya la so situación y asitamientu nel cosmos.

NIN UN PASU P’ATRÁS. ASTURIES VIVE, LA LLUCHA SIGUE!

Comments

Durante décadas, casi siempre las mismas personas, se han ido perpetuando en los partidos y sindicatos que ocupan el espacio de la izquierda. Hoy son profesionales de la política y el sindicalismo que han hecho de la izquierda un puro teatro, donde interpretan su particular obra de obrerismo y socialismo, tras el escenario su autentica ideología, que no es otra que la del poder y el dinero. Partitocracia y sindicalismo vertical, nada que ver con planteamientos de izquierdas, ni sus catecismos y dogmas pueden sostener sus caretas.

La realidad objetiva es apabullante para los más débiles y trabajadores, pero ni así plantean alternativas, no lo hacen porque estas, desde un planteamiento de izquierdas, irían contra sus, hoy, propios intereses. Se han vendido y pretenden dejarnos sin futuro. Habiendo impedido, a varias generaciones de jóvenes ya, la natural llegada a los órganos de dirección de estas organizaciones que se suponen de izquierdas, pretenden continuar así, y no solo eso, pretenden hablar por nosotros con su discurso de intereses propios, a la vez que empezamos a ser su objetivo con el fin de silenciar definitivamente nuestras voces.

Cómplices de la tecnocracia y el dinero, proyectan la pose del progresismo, cuando lo que practican es pura progresía. Aplican el revisionismo, incluido el de la memoria histórica, sustituyendo en muchos casos la realidad de los hechos por una versión al uso de sus intereses partidistas, y también, con el fin de borrar sus muchas responsabilidades, fundamentalmente en la historia más reciente, los últimos treinta y cinco años de “dictadura de las formas”. Casi nada se escapa a la imposición de sus versiones revisadas e interesadas, revolución del 34, muertos de la guerra civil, cierre de la industria, miles de despidos, conflictos laborales……….

Un ejemplo muy claro, y colmo de las paradojas, es lo que se ha dado en denominar “republicastur”, evento organizado para conmemorar el 75 aniversario de la revolución del 34. Organizado por quienes dicen, de si mismos, tener como fin la memoria histórica, aunque parecen haber olvidado los auténticos motivos de aquella revolución del 34. La invitación y participación cuenta con la “izquierda de poder”, PSOE, IU, PCes, CCOO y UGT, en su mayoría responsables directos del desmantelamiento de la industria, especialmente en Asturies.

Responsables, muchos de ellos también, de ejemplos tan notorios y sangrantes como el de Candido y Morala, a punto de volver a la cárcel solo por ser sindicalistas, defender los puestos de trabajo, luchar contra la especulación y la corrupción, el despido colectivo de 232 trabajadores en Duro Felguera, con el que se intentó modificar drásticamente los derechos de los trabajadores y la ley de libertad sindical, el claro intento de enviar a la cárcel a 14 jóvenes, por un total de 35 años, por haberse manifestado radicalmente contra el fascismo y el racismo y el también intento de enviar a Txomin a la cárcel, por el simple hecho de denunciar una demostrada corrupción urbanística desde el movimiento ciudadano.

Esta izquierda de teatro escenificará su particular farsa revolucionaria, con injerto republicano, en el “republicastur” Mieres 2009, ante la conmemoración del 75 aniversario de la revolución del 34. Pretenden ignorar una vez más la historia, las razones, objetivos y claves que propiciaron aquella revolución fueron obreras. Una prueba más e importante de la manipulación histórica, puesto que la lección más importante que nos legó la revolución del 34, fue la imperiosa necesidad de la unidad obrera, todos, incluidos los disidentes, combatieron bajo unas mismas siglas las de la “Alianza Obrera”. Y no acabamos de entender, o más bien estas organizaciones se han encargado de que la unidad no sea posible, y solo lo es en ocasiones, cuando los problemas comunes llegan al límite, lo que pudiera estar de nuevo próximo.

Como van ellos a propiciar una verdadera unidad de acción, si se perpetúan alimentados por la ubres del estado y/o consejos de administración de empresas y acuerdos con estas –ejemplos como Arcelor y Alimerka- . Porque una unidad de acción como la del 34, y no a tiro limpio, daría pie a que todos, incluidos los malditos disidentes, fueran escuchados, lo que podría despertar muchas conciencias dormidas durante los últimos treinta años desde la intención, y desordenaría mentes condicionadas y casi programadas.

Ahí los tenemos en el escenario hipócrita de “republicastur”, interpretando su particular obra partidista, y como en todos los conflictos mencionados, ante este nuevo capítulo del de Candido y Morala, unos seguirán ejecutando su condena, otros se lavarán las manos para que sea ejecutada y los otros participarán en la procesión de banderas mientras llega la ejecución de la misma.

Es como si todo estuviese vendido, ideas y organizaciones. Es como si con ello hubieran amordazado y maniatado a la sociedad asturiana, que se muestra incapaz de generar una mínima respuesta desde la izquierda, porque quienes ocupan ese espacio, mayoritariamente, solo buscan poder y dinero.

Estamos hartos, la situación de Asturies es límite y aún será peor, por ello entendemos necesario ROMPER con toda esta farsa y engaño. Proponemos este 75 aniversario de octubre del 34 y el teatro de “republicastur” como puntos de inflexión, para que la izquierda que no formamos parte de todo este teatro nos unamos de una vez, y como en el 34 o durante conflictos como el de Duro Felguera, desde una verdadera unidad de acción, partidos, sindicatos y organizaciones que cumplan y respeten los valores de izquierdas reaccionemos unidos y planteemos alternativas, para que la sociedad asturiana pueda reaccionar con los trabajadores y jóvenes al frente. Que las siglas de militancia no sean obstáculo alguno pues el problema es común, y decimos problema, que no problemas, puesto que hay que confluir al estar todos interrelacionados, basta ya de querer dar soluciones fragmentadas. Desde los problemas laborales, al llamado “plan de la energía”.

Subvencionados, solo defienden sus intereses partidistas. Si estos son la izquierda, a paseo con ella. De nuevo la habrá que fundar.

Coordinadora Antifacista d'Asturies.

Comments

Comments

Esti selmanariu axuntó nun debate a dellos militantes asturianistes pa poner enriba la mesa dalgunes d'estes cuestiones. Hai que dicir que, anque taben convidaos a participar nel debate la estaya de mocedá del Bloque por Asturies y la organización Darréu, finalmente nun pudieron asistir.

-¿Interesa realmente l'asturianismu a la mocedá?
-Inaciu GalÁn, militante de Xuventú Asturianista. Parezme qu'hai una minoría a la que sí-y interesa, pero depués, lo que ye llegar al gran públicu, l'asturianismu a pocos ámbitos llega. Y, nesti casu, nun creo que sía ún d'ellos.
-Ángel González, Unidá Nacionalista Asturiana Mocedá. Yo toi d'alcuerdu colo qu'apunta'l compañeru. Parezme que poco a poco l'asturianismu ta sacando la cabeza ente la mocedá y cada vez tán faciéndose más coses, pero tovía pue facer más y esa ye la cuestión más importante.
-Iyán González, Fai! Teniendo en cuenta que l'asturianismu en sí ye una cosa mui etérea, que va dende l'ámbitu musical, folclóricu... al estrictamente llingüísticu y, n'últimu pasu, a la vertiente más política. Parezme que nesi abanicu sí que podemos falar de qu'hai un interés, sobre manera no que tien que ver col tema musical. Hai que tener en cuenta tamién qu'añu tres d'añu matricúlense en clas de Llingua Asturiana más de 20.000 alumnos. Al final, parezme qu'hai una visibilización social en cuantes a qu'hai un ciertu movimientu. Anque, evidentemente, nun ye tolo grande que quixéremos.

LLEA LA CRÓNICA COMPLETA D'ESTI ALCUENTRU NA EDICIÓN IMPRESA DE LES NOTICIES

Comments

Más de trenta años de llucha pola reconocencia llegal pa les dos llingües llarieges d'Asturies, ¿cuántos más tendremos qu'esperar?

Oficialidá yá!

Más de trenta anos de lluita pola reconocencia llegal pr'as dúas llinguas llariegas d'Asturias, ¿cóntos máis tendremos qu'esperar?

Oficialidá xa!

Comments

Amor incendiariu ye'l primer discu d'estudiu de la banda en cuatro años. Dende que sacaren Ensin novedá (2005), los componentes de Dixebra namás sacaren el discu en directo N'acción (2007), onde rexistraben el conciertu que dieren n'El Parche d'Avilés pa celebrar los sos venti años de carrera. Un añu depués aparecía ¡Salú ya Dixebra! Perversiones (2008), un discu homenaxe onde dellos grupos asturianos versionaben dalgunes de les sos canciones más conocíes.

Amor incendiariu va tener, según anuncia Elipe, ente doce y catorce canciones y va suponer la vuelta del grupu al soníu punk-rock que lu caracterizara dende qu'empezó.

Comments

SUATEA conseña que'l cursu pasáu algamóse que "la nuestra llingua entrare nos planes d’estudiu de la Universidá na facultá de Filoloxía y Maxisteriu, lo que permitirá que se siga formando’l profesoráu pa enseñar en tolos niveles educativos obligatorios. Sicasí, esti llogru ye parcial y escasu si tenemos en cuenta les reivindicaciones históriques  de la so presencia na Universidá, pero supón el primer pasu d’una implantación más amplia nel currículu universitariu".

Según el sindicatu "paradóxicamente, les titulaciones relacionaes cola nuestra llingua daes pola universidá son y sedrán papel moyao si nun se reconoz la especialidá de Llingua Asturiana y Gallego-Asturiano. Agora mesmo, el profesoráu con esta especialidá ye discrimináu llaboralmente en tolos ámbitos del sistema educativu, pues nun ye valorada n’igualdá coles otres sí reconocíes: minusvalórase nos baremos d’oposición, tórgase l’accesu a puestos de trabayu del ámbitu socio-llingüísticu en Secundaria, nun se convoquen oposiciones d’esta  especialidá … D’esta situación ye responsable’l Gobiernu asturianu."

Discriminación del alumnáu

SUATEA denuncia asimesmo "la discriminación que tamién sufre l’alumnáu de Primaria y Secundaria cuando pa poder recibir clases de la nuestra llingua tienen que constituir grupos con un númberu mínimu de persones. L’alumnáu d’Infantil nin siquiera se-y reconoz el derechu recibiles, pues el Currículu d’esta etapa nun recueye nengún conteníu de Llingua Asturiana o Gallego-Asturiano". SUATEA amesta que "tien interpuestu un recursu contra él pendiente de resolver xudicialmente".

Finalmente demanden la "oficialidá del asturianu", que "les places de Llingua Asturiana y Gallego-Asturiano pasen a formar parte de les plantiyes orgániques de los centros, la creación de la especialidá y la convocatoria d'oposiciones", que’l "currículu d’Educación Infantil recueya la nuestra llingua y que demientres nun lo faga s’atiendan toles demandes d’escolarización  nesta  etapa fundamental pal deprendimientu en xeneral y el llingüísticu en particular" y que "nos centros s’axeiten Planes Llingüísticos que dean un tratamientu integráu y coordináu de toles llingües que s’enseñen y onde la nuestra llingua seya vehicular en delles aries".

Noticia recoyída d'Asturies.com

Comments

Nuna sociedá enllamuergao y sapozao; que se manifiesta pidiendo igualdá y dempués va a otra desixendo la pena capital, va xurdiendo una doble moral mui gafa. Midir con doble vara, criminalizar al que piensa estremao, resurde too nestos tiempos. Llórase porque África nun tien qué comer, mientres se pon una pizza precocinada a calecer en fornu. Créyese al Gobiernu cuando dixo que nun había dineru pa desaniciar la fame del mundiu, y llueu naide nun gurgutia cuando “inxeuten capital” nos bancos pa nun haiga pérdigues de beneficios y en vez de ganar munchísimos cientos de millones ganen, los probitinos, namái unos poques decenes d’ellos.

Nuna sociedá qu’arreniega de la so hestoria, cultura y tamién de la llingua qué podemos esperar. Pos, esautamente, lo que ta pasando. Criticamos munches coses cola bocona ya llueu afalagamos a la non-aición, la indiferencia a la fin, a elles mesmes. Podemos defender el drechu d’autodetermín, porque los pueblos tienen esi drechu, y nun pasa gran cosa. Anque, al paecer, los drechos valen pa unos y pa otros non. Defendemos el drechu pa otros, y nun vemos la inxusticia cuando la tenemos delantre los güeyos tolos díes. Unos son “naciones oprimíes”, otros somos folgazanes, esmembradores de la patria que tamos estrozando un país con hestoria arguyosa, con cultura digno y llingua imperial.

Ñegamos el cambéu climáticu, mentes vemos ablucaos una Asturies con sequía, ensucha dafechu, ensin fayes, xabugos o castañeos, ensin fauna llariega. Vemos como onde nun pasaba nada, tenemos agora más ocalitos qu'otra cosa, viesques enllenes d'ellos, estrozando la nuesa tierra. L'urogallu, l'osu, el llobu, les curuxes, ú fuxeron. Nun se sabe, da lo mesmo. Amás de que "nun ye una prioridá" pal Pueblu Asturianu, como anecien testeronamente en dicir esos zorramplos políticos madrinalos que remanen el nuesu "autogobiernu".

Adoctrinamos a la mocedá na pasividá, nel prexuiciu, na intolerancia y na incomprensión. Pa llueu agüeyar horrorizaos que tienen como diversión paliar vagabundos y demás “puxarra” social. Dicenmos que van trancar les puertes de la Universidá a los mozos, y aplaudímoslos porque ye "europeizante". Gastamos perres a manplén pa (mal)educar a una mocedá que tien de colar de la so tierra pa ganar el pan, non yá na gueta d'un trabayu dignu, non, simplemente d'un trabayu. Cada añu salen rebañinos d'oveyes obedientes de los IES y escueles, ¿espíritu críticu? pa qué. Asina ye como mos quieren ver, teniendo como esmoleciminntos cimeros quién gana'l Gran Hermano, OT, o qué sé yo otru programa d'eso. Una mocedá podre, espeyu d'una sociedá podre, que nun tien interés dalu por nada.

Esta ye la nuesa sociedá, el mundiu nel que vivimos. Daveres nun naguais por ver cómo mos verán dientro dos sieglos, en qué finará too esto, ¿tornaremos otra vegada al facismu – afalagáu pola non aición social – como yá pasó notres dómines? Dicía un cantar: “prietes tornes ximielguen los aires, ñubes escures mos torguen ver” y munchu tardará, pémeque, n’asoleyase dafechu la situación. Mentes tantu naguo por un futuru enllenu d’esperanza, porque, según dicen, ye lo cabero que perdemos.

Comments