¡¡URXENTE!! Concentración contra la eliminación del asturianu en Maxisteriu
La dirección de la Escuela de Maxisteriu pretende eliminar a la llingua asturiana de los nuevos planes d’estudios qu’han aprobase pa la so adaptación al conocía Plan Européu de Bolonia.
Amás, esta dirección d’escuela quier facelo a la mayor urxencia, el prósimu xueves 29 va votase la propuesta sobre les menciones qu’han acompañar los estudios troncales d’Educación Infantil y Primaria.
Les menciones de la propuesta de la dirección son: Llingua Española, Matemátiques, Conocimientu del Mediu, Educación Física, Educación Especial y Educación Artística. Nun hai sitiu pa la Llingua Asturiana, colo que de salir alantre los estudios d’asturianu necesarios pa la formación del profesoráu desapaeceríen dafechu.
La Xunta pola Defensa de la Llinga Asturiana y la Xunta Moza valoren esti nuevu ataque como’l más grave d’estos últimos trenta años, yá que de consumase pondría en cuestión la presencia de la llingua asturiana nel sistema educativu.
Por ello, la Xunta pola Defensa de la Llingua Asturiana y la Xunta Moza convoquen d’urxencia una concentración de protesta’l prósimu xueves 29 a les 11:30 delantre la Escuela de Maxisteriu, nel Campus Universitariu de Llamaquique n’Uviéu.
POL DERECHU A ESTUDIAR ASTURIANU ¡COLA LLINGUA ASTURIANA NENGÚN PASU ATRÁS!
Esbilla
del.icio.us
¡OFICIALIDÁ YÁ! ¡Non más represión escontra la nuesa llingua!
Esto ye la hostia,cada vegada se corten menos nel so despreciu a la nuesa llingua...
Entama por V...sigui-y la e, r, g, o, ñ, a...¿qué pallabra ye?, ASTURIES.
L'avisu foi d'un día pa otru, y la xente que foron nun foi abondante; pero aún asina, el xacíu s'impunxo y los estudios caltuviéronse.
Xente abondo nun s'enteró de lo asocedido nesi campus de Maxisteriu, dígolo por esperiencia (yo súpelo porque lo supo'l Repunante), poro ye perimportante enfotase nesi frente, porqu'entá nun finó esta situación. Manifestase en maxisteriu como cuando vamos per Uría.
Un saludu
Repunante
Qué foi de tí, pequeñu merucu.
Llevo una tamporadina ensin poder coneutame (los esames, la EOI, la gaita, el ximnasiu, el dormir, la falta ganes pa coneutame...) amás nun coincidimos pel msn. A ver si camuda en poco la cosa y volvemos a falar daqué más.
Un saludu.
Y gracies por lleeme a toos.